Гласини

Си бркаме работа низ улиците на Скопје, градот со срце на Фандалин, но амбиција на Вотердип, и, како и секогаш, фаќаме туѓи муабети. Двајца, навидум авантуристи, брзаат и мрморат:

„Слушнав дека наводно имале коцки што никогаш не вртат 1. Имале и опрема што страшно буста харизма. И визардон зел стаф што менува боја со расположение. И продавачката му рекла дека ако не се чувствува легендарно на излагање, одбраниот ајтем не бил за него. И кога ќе си влезел, ако не слушнеш дека коцките на штандот подзапејуваат, дека веројатно си крснат.“

Траги

Ммм, во ред. Љубопитноста ни е на алерт, ја следиме трагата на муабетот. 

Се вртиме по сокаци како да сме низ данџн, ги губиме авантуристине, но имаме добар survival. Излагаме на главниот пат именуван по клерикот од metropolitan domain, Теодосиј Гологанов, и стасуваме до светлата на крстопатот покрај трговската цитадела Веро каде го фаќаме патот налево, именуван по легендарниот Брадфорд, градот од далечната магловита и дождовита земја, познат по своите мајсторски занаетчии и ткајачи. Продолжуваме право и застануваме точно каде мирисот на цимет и ванила од шеќерната кула Канела е најјак. И тука, бегаме налево по неприметна, кротка уличка, именувана по храбар паладин, Oath of the Crown, Mилан Марковиќ и по 200ft, застануваме.

Премин

Галамата на градот комплетно избледува. Калдрамата е мазна како многумина пред нас веќе да ја изгазиле. Воздухот е поинаков, лесен, на моменти дури и обоен. Една куќа изгледа како да сака да се вклопи во околината. Би ја одминале доколку не го начувме муабетот. 

Суптилна светлина од фенерче зафрла мек сјај на дрвен знак нежно размрдан од ветрот. Издлабен е со темни, заплеткани линии кои најпрво формираат визард сред кастање спел. Завиен во лелеава наметка, со испружена рака, како водена од невидени сили, се извртува и грациозно, убедливо и природно го означува почетокот на напишаното – Cantrip. 

Сенки почнуваат да танцуваат по ѕидовите и патеката се открива. Тесна, едвај двајца да збере, но единствен пат до она по кое тргнавме. Трепет на светленца на крајот нé канат и ни ветуваат дека сé ќе биде, божем, во ред. Форсот е со нас, сега и ни треба, и чекориме напред.

Стаклена врата нé двои од внатрешноста. Ништо не е скриено. Умот почнува да се трка со можностите за тоа што има внатре. Земаме длабок здив и туркаме. 

Да. Стварно брмчи тивка магија во просторов. Полиците се испонаредени со аркански коцки, купишта книги, тринкети, ајтеми, мапи. 

И во момент кога си велиме дека ништо не е страшно, одникаде се формира еден лик, нé вади од памет и ни треба време за добар инсајт чек како би сфатиле дека е пријателски настроен и точно знае зошто сме тука. 

Добредојдовте во Кантрип!

Фрламе коцки, крафтаме легенди и се правиме дека ги знаеме сите правила! Под будното око на Огма, со суптилна доза Престидиџитејшн, трансформираме секојдневија од обични во епски, опремуваме херои со легендарни ајтеми и потрагата по знаење ја правиме обврска.
Бокала Милала

Советот на Кантрип

Како Chief Empyreal Overseer на Cantrip, и резидент divination wizard, ве уверувам дека иднина лесно се предвидува. Магијата почнува кога ќе се оствари. Во Cantrip се е по план, по стратегија, и не кастаме залудни спелови за да се надеваме на најдоброто. Дојдените со полупечени идеи на маса, можат слободно да се вратат назад.
Ziggy CEO
Задачата на Chief of Orderly Operations е едноставна – бидување светлина на патот. Се сопнете ли во мракот, запомнете: јас го имам фенерот, јас го организирам хаосот, јас го правам редот, јас ви ги средувам гребаниците, јас сум вашиот грижлив, способен, блеснат од Латандер, дворф, клерик. Должни сте ми само, добар, квалитетен ејл.
Dougal Barrenhead COO
Ни Greatsword-ов не може да пресече куп од административен хаос. Назначен сум за Chief of Administrative Oaths бидејќи не очекувам ништо помалку од совршенство. Мислите дека ќе ги заобиколите моите прецизни проверки? Да ги задржиме нашите заклетви чисти, и нашата документција во ред, во ред?
Dramallamandur CAO
Можеби немам бардовски шарм, но со три спелбука и енчантмент на многу повеќе од просечна публика, е небитно. На позиција Chief of Magical Outreach го разнесувам пазарот со легендарни понуди и магични промоции. Овој лут ентузијазам и продорен глас надвикува преполни инови. Пробајте да игнорирате. Со среќа.
Tindomiell CMO
Да, имам феноменален stealth, сама себе си на моменти не се забележувам. На позиција Chief of Insightful Operations, тука сум за да ве уверам дека секој посетител на Cantrip e набљудуван, без разлика дали му е јасно, или не. Ако размислувате за прљави работи, само запомнете – ве гледам. Знам кога нештото не е според план.
N'Gara CIO
Јас сум заштитникот на правото во Cantrip, јас имам договор со Господарката на Малболџ дека ќе спроведувам договори со страст на лојален слуга, и јас знам дека редот и моќта одат заедно, и не залудно сум назначен на позиција Chief of Lawful Ordinances. Секој избор носи последици, па вие менувајте правила колку ви душа сака.
Kayxus CLO
Сѐ што е закана за Cantrip, било да е натрапник, лопов, бард што ми оди на нерви, го смачкувам. Само го гледам, и го снемува. Јас сум Chief of Savage Offense, си ја сакам работата, си ги чувам и поштувам другарите. И не правете проблеми, не ме терајте да рејџам, донесете ми едно буре ејл и само не ме нервирајте, ама стварно, најсериозно.
Gradbus Brutus CSO
Тоа ми е работа – да обликувам кампањи, неодоливи како шарм на бард во ноќта под месечев сјај, сигурен дека ќе допрат до секој ќош на релмот. Chief of Dazzling Outreach, блеснат од Eilistraee може само добро да внимава дали секој посетител на Cantrip е доволно инспириран, заслепен, скоро паднат во несвест од целиот асортиман.
Litharion CDO