Мачкарскиве Muffin коцки, пандишпанести, топли, целите шармантни и самоуверени без никој тоа да го побара тоа од нив, носат енергија на штотуку вечерана мачка чија следна активност е мирно предење во скут, за по многу кратко време да реши дека не и се допаѓа нашата укочена и непомрдната позиција на која е вгнездена и ги пушти зумисот во акција со апсолутна убеденост дека е правилна одлука.

Овој план е и отлискан на сите страни од коцките. Веројатно, најдобро би соработувале со карактери базирани на харизма.

Овој сет изгледа како еден мајстор-дворф да решил повеќе да не прави никаков друг накит освен судбоносен. Површината блеска како искра што за првпат паѓа врз руда, а врежаните дворфски симболи ја имаат онаа непогрешлива геометрија која они сакаат да ја нарекуваат „Ете, завршена работа“, а останатите, „Како го направиле ова бе?“.

Овие коцки не молат за почит – многу добро да даваат тоа до знаење.

Секоја линија, секој агол, секој број изгледа како да бил издлабан со чекан со свое име и репутација.

Сетот Gold е создаден за играчи кои сакаат нивните ролови да вадат звук на мала ковачница, за клериците на Moradin кои читаат древни натписи со очи, не со магија, за оние кои сакаат звукот на фрлената d20-ка да се слуша до другата соба.

Провидни како утринска магла над Evermeet, со натписи црни како мастило кое мејџови го чуваат под строг надзор.

Коцкиве се став, став, дисциплина и суптилна ароганција на раса која има доволно долг животен век да не брза со ништо… освен со прецизност. Секој број е гравиран во калиграфскки стил на Myth Drannor, оној краснопис кој се раѓа кога магијата и естетиката одлучуваат да соработуваат.

Толку е тивок ролот, и не затоа што е нежен, туку зошто елфовите веруваат дека прекумерниот звук е знак на лош карактер.
И да, дури и коцките се креирани со таа филозофија.

Овој сет е за играчи кои претпочитаат грациозност пред сила, кои знаат дека одлуки се носат без ниту мала доза паника, кои сакаат нивниот лик да изгледа како да знае нешто што другите не го знаат.