Од првиот поглед, ова алтернативно издание на Planescape отвора врата кон бескрајниот мултиверзум. Со уникатни корици на сите три книги и ДМ скринот, ова сет-издание е само по себе патување низ димензии. Портите на Sigil, мистериите на Outlands, и бескрајните можности на плејновите оживуваат преку внимателниот дизајн.

Добредојдовте во Planescape, каде портите кон бесконечноста се секогаш отворени, а самата реалност е уште една димензија на бескрајниот мултиверзум. Со Adventures in the Multiverse, влегуваме во светот на Sigil, Градот на Портите, каде секоја врата води кон чудо, опасност или заборавена божествена сила. Ова е место каде смртниците и бесмртните се движат заедно, каде цели светови се обликуваат и уништуваат за миг, и каде законите на физиката не важат подеднакво за сите.

Истражуваме длабоко низ Outer Planes, населени со божества, демони и изгубени души, кои тераат своја агенда во вечната борба за доминација. Од енигматските порти на Sigil до далечните чудесни градови на Outlands, она што нè чека е подеднакво неизвесно колку што е величествено.

Боговите го следат секој чекор од далеку. Можноста да ја доведат нашата умешност на тест е огромна, можноста демонот да се обиде да ја открие нашата слабост – уште поголема, и можноста да се вплеткаме во заговори кои ја надминуваат границата на животот и смртта додека сме расшетани низ плејновите – е загарантирана.

Сетот содржи:

• Sigil and the Outlands: 96-страничен прирачник за кампањата што ги претставува Sigil, Градот на Портите, и Outlands, срцето на Outer Planes
• Turn of Fortune’s Wheel: 96-странична авантура поставена во Sigil и Outlands, дизајнирана за карактери од 3 до 10 левел
• Morte’s Planar Parade: 64-страничен бестијар на живописниот и застрашувачкиот свет на Outer Planes
• Постер мапа на Sigil и Outlands: Двострана постер мапа на Sigil и Outlands, која може да се користи како авантуристичка локација или како кампањски центар за патувања низ плејновите
• DM Screen: Четири-панелен екран за DM украсен со уметнички приказ на Planescape сетингот

Ова алтернативно издание на Quests from the Infinite Staircase не само што отвора врата кон бесконечни светови, туку тоа го прави со стил што самиот по себе е уметничко дело. Kолекционерсково издание ја доловува мистеријата и магијата на бескрајното скалило, ветувајќи незаборавни авантури уште пред да го отворите. Создадено e за колекционери и оние кои тежнеат за нешто што е повеќе од приказна.

Постојат патеки кои водат кон непознати плејнови, но Infinite Staircase е пресек на сите можни светови, влез во енигматски универзуми каде времето е флуидно, а реалноста искривена. Вовлечени сме во мистериозно патување каде секое скалило отвора нова врата кон длабочини кои би ја преобликувале судбината на мултиверзумот.

Од градови на небесни острови до царства со кои владеат древни, заборавени богови, кој пат и да го одбереме ќе нè однесе кон неочекуваното и кон свет со нови закони кои би требало да ги почитуваме.

Демнат заборавени тајни и под површината, парчиња историја на цивилизации кои постоеле, фрагменти на знаење поврзани со самото потекло на сè. Не сите кои нè пресретнуваат на бескрајното скалило ни се пријатели. Некои го преминале секој закон на природата, ја предизвикале структурата на реалноста, не се дел од познат свет, туку рефлексија на нешто древно.

Нашата волја и перцепција се на тест. Се качуваме кон слава или пропаст. Моралните избори не се очигледни, а секогаш се од голема важност за судбината на авантурата.

Но, Quests from the Infinite Staircase е повеќе од обична авантура. Тоа е патување низ сржта на мултиверзумот, низ светови кои пркосат на сите закони на физиката и магијата.

Ќе успееме ли да го следиме патот на скалилото и да ги најдеме одговорите кои лежат на неговиот крај? Или судбина ни е засекогаш да останеме изгубени во неговата бесконечност?

Добредојдовте во Strixhaven, универзитет каде магијата и мудроста се преплетуваат во мозаик на знаење и амбиција. Во Curriculum of Chaos, сме во предавалните на визардските факултети, на предавања пренесени од најквалификуваните мејџови.

Да, истражуваме древни тајни, учиме за сите компоненти на магијата, вклучени сме во ривалствата со други факултети и сме на алерт против сили кои се стремат универзитетот, со други зборови, да не постои. И тука не е доволно да се биде само способен визард, туку да се работи на сите скилови взаемно за да знаеме кому да веруваме, а кому да се спротивставиме.

Strixhaven е дом на пет уникатни факултети, секој посветен на различни магични дисциплини. Од логиката на Quandrix до креативната инспирација на Prismari, сами одлучуваме кој пат ќе го следиме и што ќе откриваме во текот на студиите. Кампусот е полн со антички библиотеки, мистични градини и дворови што се дом на нешто многу повеќе од книги.

Ривалства и алијанси се класичен дел од студентскиот живот во Strixhaven. Заклетви и тајни вриштат зад привидот на академската дисциплина. Треба да се внимава бидејќи секој втор крие мрачна агенда.

Но, логично е да се очекува дека патувањата низ срцето на визардска академија ќе донесат нешто повеќе од лекциите во книгите. Да не губиме многу време, и да почнеме со студии.

Во ова алтернативно издание на Vecna: Eve of Ruin, мракот не само што го обвива светот, туку пулсира низ самите страници. Ова колекционерско издание го доловува ликот на Vecna, предвесникот на пропаст, исклучителниот, застрашувачкиот, бесмртниот некогаш-човечки крал и лич од Oerth кој се издигнал до божественост.

На рабовите на очај и ужас, Vecna: Eve of Ruin е патување низ свет проголтан од мрак. Vecna се крева од сенките со единствена цел: да ја врати својата изгубена моќ. Ова не е приказна за херои, туку пресметка со самата смрт и со сојузите кои ги држат световите заедно.

Се спушта ноќта и сме соочени со армијата на Vecna. Немртви војски, тајни кои подобро никогаш да не бидат откриени, битки кои преобликуваат судбини, и чекори кои водат сè подлабоко кон неговата неизбежна сила.

Силата на мракот е на негова страна. Vecna собира моќни следбеници, ужасни суштества со амбиција да сторат сè за неговото дело. Артефакти се распрснати наоколу. Некои од нив му го цементираат патот кон целосна доминација, но некои би му ја скратиле бесмртноста. Се вплеткуваме во трка по овие реликвии, борејќи се со времето.

Vecna: Eve of Ruin не е само предвесник на крајот.