-
DM’s Bag: Collector’s Edition (Dragon Silver) | ENHANCE
07.700,00 денОваa подвижна тврдина, оваа патувачка ризница, е создадена за раскажувачот на приказната, за чуварот на светот. Ова колекционерско издание на ДМ-скa торба обложена со змејска кожа, колку што е стил, толку е и сигурност.
Ммм да, убаво прочитавте – змејска кожа! Слободно вртете Investigation или Arcana, или, не знам, кастајте Identify.
Металниот медалјон не е орнамент – е силмбол дека си одбран. Од четири до осум гримоари можат да се засолнат внатре. Три прегради го делат просторот за коцки, бележници, и работи што никој друг нема да може да ги види. Простор за цела армија минијатури, за полна таверна, за 16 NPC-ња безбедно да стасаат на мапата и да се вратат назад. Надворешни прилагодливи ремени за транспорт на мапата која цела маса едвај ја чека, надежна дека нема за последен пат да ја види.
И кога ременот легнува на рамото, чувствуваш само едно – товарот на приказната. А приказните убаво тежат.
-
DM’s Bag: Collector’s Edition (Blue Dragon) | ENHANCE
07.700,00 денОваa подвижна тврдина, оваа патувачка ризница, е создадена за раскажувачот на приказната, за чуварот на светот. Ова колекционерско издание на ДМ-скa торба обложена со змејска кожа, колку што е стил, толку е и сигурност.
Ммм да, убаво прочитавте – змејска кожа! Слободно вртете Investigation или Arcana, или, не знам, кастајте Identify.
Металниот медалјон не е орнамент – е силмбол дека си одбран. Од четири до осум гримоари можат да се засолнат внатре. Три прегради го делат просторот за коцки, бележници, и работи што никој друг нема да може да ги види. Простор за цела армија минијатури, за полна таверна, за 16 NPC-ња безбедно да стасаат на мапата и да се вратат назад. Надворешни прилагодливи ремени за транспорт на мапата која цела маса едвај ја чека, надежна дека нема за последен пат да ја види.
И кога ременот легнува на рамото, чувствуваш само едно – товарот на приказната. А приказните убаво тежат.
-
Dungeons & Dragons: Character Sheets 2024
0890,00 денОвој куп празни полиња е личниот дневник на секоја наша можност, способност и неспособност. Не постои D&D карактер без приказна и затоа Character Sheets 2024 се распостелуваат да ги фатат сите детали: од првиот крит, до последната капка HP.
Новиот распоред на елементите дозволува секогаш да знаеме каде ни е иницијативата, дури и по три пива и еден fireball. Оставен е простор за сè што ДМ-от би можел да искористи против нас: оружја, ајтеми, спелови, контакти, непријатели, должници, љубовници. Како хартијава да е најиздржливиот авантурист – како да не се плаши од отпечатоци на мрсни прсти од тензична конзумација на грицки поради тешки одлуки кои следната сесија ќе видиме што донеле.
Во свет каде змеј би не испекол за помалку од шест секунди, ова можеби е единственото место каде карактерот ни е безбеден.
Донекаде…
-
Baldur’s Gate: Descent Into Avernus
02.880,00 денДобредојдовте во Baldur’s Gate — град каде секој агол има тајна, секој сојуз е привремен, и секоја наклонетост има своја цена. Но, оваа приказна не завршува низ калливите улици на метрополата, туку таму започнува и оттука, води директно надолу — во првиот круг на Nine Hells of Baator: Avernus.
Descent Into Avernus е бавно, пеколно спуштање во местото каде што ѓаволите преговараат со искреност, а надежта е брзопотрошна валута. Ќе бидеме ли доволно откачени, или изгубени, за да склучиме пакт кој би го спасил градот? Ќе собереме ли доволно храброст да се пресретнеме со криминални фракции, политички маневри и стари должници што доаѓаат по наплата?
Ќе преживееме ли низ огнените пустини на Avernus – светот изграден од болка, оган и бескрајна војна меѓу ѓаволи и демони? Бидејќи Avernus не е… амбиент. Avernus е тест на моралот. И токму таму нè остава камањата: пред пеколни искушенија, пред избор кој не е воопшто едноставен.
Секој дел од книгата е дизајниран да нè втурне во свет каде што правилата се менуваат, а доблеста е дефицитарна стока. Ова е приказна за падот… и можеби, токму затоа, за спасот.
-
RPG Organizer (Black) – ENHANCE
06.250,00 денНоси сè. Не испушта звук. Изгледа закачувачки. И не е само организиран реквизит. Тврдина е.
Кога ќе ја допре масата, веќе е јасно – сесијата започна.
Овој организер не е за „ќе се снајдам“ играчи. Ова е за оние што носат сè: коцки, книги, мапи, spell cards, моливи, минијатури, дури и последната копија од договорот со арчдевилот. Внатрешноста е поделена прецизно, како добар план во најлош dungeon:
📚 Простор за 4 книги.
🎲 Организатор за коцки.
🗺️ Џебови.
✏️ Простор за лаптоп или таблет.И сè е прибрано под мека, црна обвивка — како сјајот на кожните ракавици пред моментот на убиството. Нема детали, нема шари, нема расеаност. Само чиста функционалност со став.
-
D&D Icons of the Realms: Adult Deep Dragon
05.200,00 денНе секој змеј сака слава, злато или потпалени села. Некои живеат длабоко во подземјете, без сонце, каде лудилото шепоти низ мракот.
Adult Deep Dragon не е типичен змеј. Тој е кошмар од Underdark, обвиткан во сенки, спори, и отрови што го извртуваат умот. Скелестиов ужас е создаден за кампањи кои се одвиваат на место каде каде реалните шанси партито да излезе на површина… се малку потешки. Ова е змејот кој има огромна шанса да не праша: „А што ако светлината е лага?“
Што ли да издвоиме дека посебно го краси? А да! Способноста да ја распрснува темнината и да предизвикува халуцинации. Кој е за кампањи со многу psychic damage и безумие? Да ве чуеме!
-
Pathfinder Battles: Goblin Vanguard
03.100,00 денАко некогаш сте си рекле: „Како да ни требаат повеќе проблеми на масата“ — еве ви го одговорот. Goblin Vanguard е сè што сакате и не поднесувате од гоблини: гласни, смрдливи, лути, преполни со идеи од кои сите се секогаш – лоши.
Овој премиум сет носи 6 детални, веќе бојадисани минијатури кои може да ги употребите како бандити или пак армија излезена од магичен… дампстер. Секој позира на различен начин, со различно оружје, со доволно карактер за да му оди на нерви дури и на најмилостивиот, мирен и кроток паладин.
Идеални се за воведување на партито во хаос уште од првото село, за креирање на гоблински шамани, или само… жртви, и за задоволството на ДМ-от од самата реплика: „Да, сè уште си постојат. Има уште четворица.“
Но, потребни се, што да кажеме… Ниту еден авантурист не станал легенда без да биде измалтретиран од гоблин, барем еднаш! Затоа, размислете, колку ли се овие подготвени да бидат првиот смдлив чекор на твојата приказна?
-
Dragon Shield: Dice Companion – Iron Grey
02.200,00 денОвој Dice Companion: Iron Grey, можеме со комплетна слобода да го земеме во предвид како артефакт. Откако прв пат во него се фрлила d20, на оваа импонзантна, сјајна, сатенска подлога – светот се исплашил. И така почнало сè.
Dice Companion: Iron Grey е за играчи кои правилата ги заобиколуваат, но со стил. Да ја отвориме како клерик во момент на кастање Bestow Curse. Внатре – местото за коцки, минијатури, тајни, грешки, планови – за сè што ти е потребно. Сè што никој друг не треба да знае.
Комбатот почнува и се претвора во арена. Фрлаш коцка во тишина – едноставно присутен е звукот на среќата што слетува. И никогаш не се тркала случајно. Секогаш… со цел.
-
Dragon Shield: Roleplaying Spell Codex: Midnight Blue
01.650,00 денМагијата… можеби најсилно шепоти под ѕвездите. Доаѓа од ноќта – од страниците кои темнината љубоморно ги чува, од шепот кој не се случа, туку чувствува.
Spell Codex: Midnight Blue е токму таков спелбук– врзан во боја на полноќна тишина, создаден за магии кои не секогаш имаат сведоци. Наменет е за оние кои ѕвездите не ги повикуваат за светлина – туку за одговори. За оние чии магии носат сенки и спомени. Со неговите елегантни внатрешни џебови, спеловите се секогаш подготвени. А Spell Slot Tracker-от и dry-erase маркерот се тука за да ја ноќната рута на нивниот пат – од сонот, кон ударот.
Midnight Blue не е само боја – тоа е избор. Тоа е спокојниот мрак пред експлозијата на моќта. Тоа е моментот кога сите очи се вперени кон тебе… а ти – молчиш.
-
Dragon Shield: Roleplaying Spell Codex: Ashen White
01.650,00 денОвој спелбук се наследува.
Spell Codex: Ashen White, изгледа како да бил оставен во пепелта на заборавена битка, но внатре сè уште гори магијата на вечноста. Бојата потсетува на стар пергамент, на светлина која не заслепува, туку открива.
Ова е codex за мејџови кои не зборуваат гласно. За оние кои пишуваат формули како молитви. Секој spell card е заштитен и подготвен да биде повикан со тивок шепот или со последниот здив на некое затворено поглавје. Со Spell Slot Tracker и dry-erase маркерот, контролата е апсолутна – секој потег е пресметан, секој круг – запишан, секоја последица – предвидена.
Аshen White не бара внимание – енодставно го има авторитетот кој молчи. Штом се отвори, дури и боговите слушаат.
-
Dragon Shield: Roleplaying Spell Codex: Forest Green
01.650,00 денОној кој ја познава природата знае: шумата зборува низ магија. И токму затоа, Spell Codex: Forest Green не е обична магиска архива, туку живо суштество никнато од срце на древно дрво, чувар на спомине кои се шепотеле во листовите, водата и корењата илјадници години наназад.
Носи го со себе кога ги врзуваш елементите, кога го насочуваш громот, кога ги повикуваш силите на шумата. Овој спелбук со корица во боја на стара лишајна кора, беспрекорно ќе ги чува, следи и бележи твоите спелови.
Ова не е кодекс за фенси мејџови. Ова е за оние кои чекорат боси преку росни ливади, чија внатрешност на наметките е хербариум – за оние кои знаат да ја приземат магијата директно од коренот на светот.
-
Dragon Shield: Roleplaying Spell Codex: Iron Grey
01.650,00 денВо свет каде една правилно изговорена магија може да промени судбини, вистински мејџ нема простор за хаос. Во мудроста, прецизноста и брзината лежи неговата моќ. Dragon Shield Spell Codex: Iron Grey е токму тоа – лична архива на магии, изработена да го обликува секој маестрален потег.
Во рацете го држиш волтот на своето знаење: стилски, цврст, обложен со издржлив Dragon Skin™. Ова не е обична папка. Ова е твоето магично оружје, она што ги држи магиите блиску до срцето, подготвени за моментот кога најмногу ќе бидат потребни.
Со внатрешни џебови прилагодени за Spell Cards и посебен Spell Slot Tracker, со вклучен dry-erase маркер, подготовката за спас на светот (или негово комплетно срамнување со земја), стануваат жив процес – запишувај, менувај, планирај – магија дише со тебе.
Додека останатите спелкастери листаат низ книгите и белешките во моменти на хаос, ти, едноставно, го отвараш својот спелбук – и светот се прекројува по твоја волја.
-
Dezriel’s Spellbook
01.000,00 денНекои велат дека магијата била, божем, само алатка – неутрална и подготвена да служи. Dezriel влегол во суштината – сфатил, но по цена. Го слушал шепотот на огнот, лелекот на земјата, вековните тајни на водата, и би си рекле дека тука нема апсолутно ништо лошо. Но, следејќи ги, создал нешто што баш и не би требало да постои.
Dezriel’s Spellbook е колекција од 37 нови магии, создадени низ неговите експерименти со елементите. Листајќи низ страниците влегуваме во умот на некој кој истовремено креирал визии и предупредувања. Забелешките се криптични, изопачени, праноични. Оттука сфаќање дека магиите се доказ за моќ која може да се стекне, и она што доаѓа отпосле.
На крајот вели: „Товарот на јасноста е само мој. Оној кој нема да чуе, да разбере, не заслужува… Нема повеќе шепоти. Нема крици. Нема вистина. Нека сé пропадне во тишина. Нека заврши“.
Користете го спелбуков мудро.
-
Dungeons & Dragons Spellbook Cards: Epic Monsters
01.800,00 денНиз историјата на Dungeons & Dragons, не сé го буди стравот и восхитот како средбата со монстери од епски размери. Spellbook Cards: Epic Monsters е збирка од најимпресивните суштества кои некогаш чекореле низ фантастичен свет, прозорец кон моќта, интригата и предизвиците кои ја дефинираат секоја авантура.
Со 77 ламинирани картички, секој монстер е феноменално визуелно претставен од едната страна, а деталнитиот стаст блок стои на другата. Моментот кога играчите се соочуваа со Tarrasque, чие присуство е доволно да си ги преиспитаме своите одлки, никогаш не ќе биде заборавен. А воопшто да не размислуваме за онаа преесметка со древен Lich!
Дизајнирани се да го олеснат текот на играта, да ги оживеат овие легендарни кричерства, да протолкуваат што значи да се соочиш со вистинска моќ, да овозможат брза и лесна подготовка за средбите и пресметките, без никакво непотребно одолговлекување.
Со Epic Monsters Spellbook Cards приказни ја добиваат заслужната длабочина.
-
Monster Cards: Mordenkainen’s Tome of Foes
01.500,00 денВо светот на Dungeons & Dragons, секоја авантура носи нов предизвик. Нашиот DМ е водич низ непознатото. Со Monster Cards: Mordenkainen’s Tome of Foes, би имал толку моќен сојузник и способност да ги постави најимпонзантните кричерства пред нас со таков интензитет и длабочина, оживеани низ приказната.Да речеме дека играчите влегуваат во древна гробница, несвесни за присуството на Allip, чиј шепот може да ги доведе до лудило. Или, можеби, се соочуваат со силата и интелигенцијата на моќниот Yagnoloth.
109 ламинирани картички, детално го преставуваат секое суштество од Mordenkainen’s Tome of Foes, со јасни статистики и прекрасни илустрации. Оваа, не само ДМ-ски практична, туку и визуелна алатка, е дизајнирана да го олесни текот на играта. Потребата од постојано пребарување низ книги е сведена на, речиси, непостоечно ниво, и пристапот до организација и избор е толку олеснат, само за сесијата да тече глатко и возбудливо.
-
Spellbook Cards: Martial Powers & Races
0600,00 денВо светот на Dungeons & Dragons, не секоја моќ доаѓа од магијата – некои способности се израз на физичката сила, тактичката прецизност, или природниот дар на расите што чекорат низ теренот на авантурата. Со Spellbook Cards: Martial Powers & Races, овие уникатни способности се претставени со јасност и прецизност, подготвени за брза употреба и драматични моменти.
Овој сет од 61 ламинирана картичка е твојот извор на инспирација и подготовка. Без разлика дали е потребно следење на battle maneuvers на фајтерот, racial traits за зајкнување на стратегија, или специјални способности на монкови и барбаријанци, Spellbook Cards: Martial Powers & Races ја олеснуваат секоја сесија, дозволувајќи фокус на играта, и што помалку прелистување страници.
-
Spellbook Cards: Xanathar’s Guide to Everything
0800,00 денВо светот на Dungeons & Dragons, магијата е ткаенината што ги поврзува сите нешта, а Xanathar’s Guide to Everything ја проширува оваа ткаенина со нови плетки. Со овие спелбук картички можноста вашите прсти да ги дофатат овие магиски способности е на дофат.
Само замисли го моментот кога визардот ќе искаста Psychic Scream, или кога друид ќе анлишне Healing Spirit! Низ 95 ламинирани картички, секоја магија е јасно претставена со сите детали, овозможувајќи брз пристап без потреба од листање сорбуци и рулбуци. Симболите на картичките покажуваат кои класи можат да ги користат магиите, олеснувајќи го изборот и подготовката .
Без разлика дали станува збор за искусен визард или новајлија во светот на магијата, Xanathar’s Guide to Everything помага во совладување на способности и отвара можност за многу лесен внес на истите во кампањите.
Нека авантурата биде полна со магиски моменти за паметење!
-
Glitter Ruby/Gold, Mini 7-Die Set
0390,00 ден“Ruby glint and golden gleam,
Tiny dice, but quite the scheme.
They shimmer bright, but strike with might,
Roll them once and end the fight.”
Идеални за:
Scorching Ray – метата секогаш ќе биде надената; трите зрака ќе бидат беспрекорно испорачани и смртоносни, со гаранција;
Stealth – леснотија и брзина во секој чекор, совршени за невидливост и нечујност во просторот;
Shortsword – елегантен, но моќен удар за мајсторски напади и максимален демиџ;